鳳凰射手傳離隊 流浪者抵撐

猪拉多纳

澳洲喺主場勇奪亞洲盃冠軍舉國歡騰，不過威靈頓鳳凰球迷就唔多開心，一來佢哋其實係新西蘭球隊，二來球隊強勁走勢慘被澳職稍息而打窒，王牌射手尼敦般斯更盛傳可能即將離隊，爭標之路可謂波折重重，平手盤要撐志切反彈嘅西悉尼流浪者先係上算。

（有線64及203周日下午2:00直播）
申花力斟尼敦般斯過檔

鳳凰休戰之前4連勝氣勢如虹，可惜道氣突然畀亞洲盃打斷，復戰第一擊就臨尾香輸咗畀布里斯班獅吼，最慘係首席前鋒尼敦般斯踢完亞洲盃後負傷而回，狀態亦因為連場硬仗而受影響，最大問題係球隊證實中超球會上海申花仍力斟尼敦般斯加盟，呢位今季入10球嘅射手去留對隊波有極大影響，依家前路茫茫，班球員嘅信心或會受到動搖。

流浪者目前沉淪包尾位置，今季仲係一場聯賽都未贏過，不過班波表現並唔係數據上咁不濟，雖然近9場聯賽4和5負，但當中4場敗仗都只係僅輸1粒。前鋒馬克布歷治賽前就話球隊已經「衰無可衰」，嚟緊只會有上升嘅空間，尤其拍檔杜米祖歷同後衞史柏拉洛域以亞洲冠軍身份回歸，對呢支亞冠盃冠軍嚟講又係一口強心針，平手盤可博反彈。
頂占筍盤：西悉尼流浪者（平手勝）