拉素傷鋒吼細盤

猪拉多纳

一個高路斯打唔晒

阿King今次重心推介意甲拉素主場對熱拿亞，兩隊同時吹細「鋒」，拉素首席射手菲臘佐積域受傷長抖，進攻中場菲臘安達臣亦有傷上陣成疑，火力大打折扣。熱拿亞喺冬季轉會市場流失多位主力，包括射手馬特尼，想還擊亦有心無力，首選入球細。

（TVB 301周二凌晨3時45分直播）

拉素原本走勢唔錯，但近期連番受傷兵問題打擊，繼菲臘佐積域需長抖3個月後，另一位入波主力菲臘安達臣亦受傷，依家鋒線靠老將高路斯獨擔大旗。雖然呢位德國名將連續兩場聯賽入波，但佢畢竟已經36歲，未必可以每場都保持水準，不宜高估。
熱拿亞賣走射手冇攻力

至於熱拿亞情況更惡劣，近7場聯賽未贏過，會方仲放走首席射手馬特尼畀祖雲達斯，有3球進帳嘅左閘盧卡安東尼利亦已轉投AC米蘭，反而只係簽入「人球」前鋒波里路填補，睇怕幾難有運行，兩隊攻力睇見都唔開胃，細盤屬不二之選。

另外，葡超里奧艾維作客4連敗共失11球，弱過藥煲，今仗作客讓唔起博維斯塔，要讓球主勝。德乙方面，1860慕尼黑簽下前史浩克04前鋒安蘭，力爭擺脫降班漩渦，主場對住近5場聯賽不勝嘅海登咸，平手盤抵玩。