射手大鬥法

猪拉多纳

意甲今晚戲碼唔錯，拉素主場對熱拿亞嘅獨腳戲，1.85倍入球大值得試。事關拉素射手高路斯打番正選後，3場比賽攻入2球，證明狀態好弗，況且熱拿亞雖有前鋒波里路回歸，弊在防線不穩，睇怕入球騷唔難上演。

（TVB301周二凌晨3:45直播）
高路斯為續約搏盡

原本高路斯喺拉素已經失去正選位置，甚至傳過佢會返德甲，但由於菲臘佐積域重傷疑似提早收咧，結果高路斯選擇留低，對上3場踢番正選攻入2球，而且根據合約，只要佢喺聯賽踢多兩場，就會自動續約1年。今季高路斯連盃賽上陣21場，攻入7球再加5次助攻，相信佢可以再有士哥唔難。
熱拿亞波里路回歸

另邊廂，熱拿亞有後衞貝迪素停賽，再者新加盟嘅哥積克右閘譚比、華拉度列左閘比迪治又未同隊友夾熟，未知有冇得披甲出戰，好可能延續連續7場不勝同失波走勢。好彩嘅係，最近熱拿亞有韋斯咸前鋒波里路回歸，前季佢喺意甲有12個入球，今晚隨時整番場入球騷慶祝自己歸隊，入球大抵玩呀！