法足盃紅星細頂聖伊天

猪拉多纳

法足盃周中上演16強賽事，直播有場法甲聖伊天作客鬥丙組紅星。聖伊天對上兩圈面對低組別球隊均未能在法定時間之內贏波，而且佢哋近況亦唔好，要咬入防守唔錯嘅紅星有難度，入球細可作為今日過關重心。

（TVB 302周三凌晨4時直播）

聖伊天踏入2015年後表現一般，聯賽連盃賽8戰只得1勝，對上兩圈法足盃對住乙組仔南錫及杜亞斯，聖伊天都要踢至加時才可以解決對手，而且佢哋一向以穩健見稱嘅防線最近突然崩塌，上周末聯賽對朗斯喺一度領先2球嘅優勢下，竟然連失3球，最後執番1分算好彩，預計今場會穩打穩紮，避免再犯同樣錯誤。來自丙組嘅紅星自知實力不及對手，估計唔會貿貿然進攻，預計勝負只會一球上落，細盤好路。
英甲快車班士利主Ｗ好路

另外英甲周中快車，班士利主場對費列活特，班士利主場聯賽4連勝，當中3場冇失波。費列活特首循環主場都贏唔到班士利，今次作客更難搶分，捧主W。最後華素爾主場對羅奇代爾，華素爾近5場主場不勝，而且佢哋下月仲有一場英格蘭聯賽錦標決賽要踢，既然依家聯賽列位中游，為免增添無謂傷兵隨時Hea踢，進取啲揀捧羅奇代爾客W。