紅魔保前四 誓斬般尼

猪拉多纳

曼聯上場作客只能靠戴利白蘭特補時入波逼和韋斯咸執番1分，雖然仍守得住英超第4位，但只係領先後面嘅熱刺同阿仙奴1分同2分，今晚回師主場鬥弱旅般尼，紅魔現時只得中場卡域克1個傷兵，今仗有望精銳盡出力爭勝利保住前4。般尼喺上場聯賽喺領先2球下竟被西布朗逼和，球隊士氣相信會有負面影響，加上陣中有後衞史堤芬禾特、馬菲泰萊同中場馬恩尼受傷唔踢得，球隊防線喺近期甩漏多多下，作客面對紅魔，相信等做炮灰，捧讓球主勝。

（now 623周四凌晨3時45分直播）