西盃巴塞撞潛艇再追大

猪拉多纳

隨住首都雙雄皇馬同馬體會先後出局，角逐西班牙盃嘅球隊中以巴塞隆拿奪冠呼聲最高，今晚4強首回合佢哋坐鎮主場迎戰「黃色潛艇」維拉利爾，力爭先拔頭籌，不過讓到兩球/兩球半咁多，肥叔寧願吼入球大。

（now 632及TVB 13周四凌晨3時直播）

以前好多強隊只會着眼喺聯賽同歐聯，對其他盃賽不屑一顧，但近年各地聯賽都有沒落球隊重新崛起，好似英超有曼城、西甲有馬體會、意甲有羅馬等，令競爭更加激烈，一眾豪門為咗有盃落袋亦「大小通吃」，過去被視為雞肋嘅英格蘭聯賽盃，近年都成為勁旅「點心」。

今晚上演嘅西班牙盃情況相若，由於兩大西甲勁旅皇馬同馬體會已出局，巴塞對呢隻「盃仔」志在必得，不過佢哋挾住9連勝氣勢難免讓得多，而維拉利爾絕非善男信女，今季聯賽僅輸兩場，其中一場就係今個月頭對巴塞輸2比3，但嗰場波巴塞要讓兩球，因此「黃色潛艇」順利贏盤，事隔一周，又係巴塞主場，預計情況唔會大變。踏入2015年，「地上最強」於10場比賽怒轟34粒，不過佢哋防線唔算穩陣，畀維拉利爾入到波唔奇，況且近年雙方於魯營球場交手常演大騷，今仗巴塞要讓兩球/兩球半，捧番大盤好過。
畢爾包飛數硬淨揸得過

另一場西盃4強首回合，由畢爾包主場對愛斯賓奴，前者近況麻麻，但備受莊家睇好初盤要讓半球或半一之間，飛數硬淨睇嚟贏得，不妨小敲上盤。

（now 632及TVB 13周四清晨5時直播）