梅斯急護級盃賽讓路比斯特

猪拉多纳

今日受注賽事唔多，最好玩條3串1過關。先講有直播嘅法足盃16強梅斯主場鬥比斯特。梅斯現時喺法甲排包尾，下半季護級大過天，上圈對住丙組仔阿夫朗甚都要踢至加時先過關，爭盃決心存疑。比斯特排法乙第二，實力同法甲下游球隊差距唔大，今場受讓平半可捧下盤。

（TVB 302周五凌晨2時45分直播）

其餘兩關同屬南美自由盃外圍賽次回合，烏拉圭蒙特維多國民隊主場鬥嚟自智利嘅柏利斯天奴，蒙特維多國民隊首回合落後0比1，今次返主場必定搶攻，柏利斯天奴近三場作客全開大，呢場大盤可取。

（周五早上6時15分開賽、馬會網上文字直播）
學生隊缺態難翻盤

另一場阿根廷學生隊主場鬥厄瓜多爾迪華利獨立隊，迪華利獨立隊首回合贏1比0，作客隨時大打消極足球，而新一季阿甲呢個禮拜六先開打，學生隊狀態有待改進，想咬入對手唔容易，一於揀讓球客勝。

（周五早上8時45分開賽）