梅斯傷兵多難敵比斯特

猪拉多纳

法總16強今晚繼續上演，由甲組嘅梅斯喺主場對乙組嘅比斯特。梅斯家陣傷兵滿營，即使射手邁加同中場阿密特卡殊踢完非國盃回歸，弊在依然彈唔起，況且佢哋喺聯賽長期包尾變成「霉斯」，不如撐比斯特開1.7倍「讓球客勝」好過。

（TVB302周五凌晨2:45直播）
梅斯近6場未贏過

現時梅斯陣中有大批傷兵，當中踢過車路士嘅翼鋒馬隆達，至少要抖多1個星期，而且馬里射手邁加同阿爾及利亞中場阿密特卡殊完成非國盃賽事後，狀態似乎仲未上力，最終佢哋喺上輪法甲淨吞巴斯蒂亞兩蛋，連續6場不勝，霉到咁真係神仙難救，就算中場尼格巴高圖有幾弗都冇用，慳番啖氣護級好過啦！
比斯特左閘主力復出

再者，比斯特日前喺法乙作客以1:2不敵南錫，對於佢哋爭取升班嘅計劃打擊唔小，同時佢哋陣中仲有大批球員有傷未必披甲，未必能夠以100%比賽狀態上陣。但好消息係，左閘韋菲特莫安比坐完波監可以候命，最低限度後防稍為完整啲，加埋射手確迪入波頻頻，受讓值得支持。
法國足總盃賽制

今輪為法國足總盃16強賽事，以1場決勝負。雙方於法定時間內打成平手，需加時30分鐘，再和互射12碼分高下。

法總16強