AC水貨名牌靠唔住

猪拉多纳

有錢唔係萬能，冇錢就萬萬不能；意甲沒落豪門AC米蘭近年閂晒水喉，慳得就慳，特別喺轉會市場方面，專係吼一啲自由身嘅過氣球星，正所謂一分錢一分貨，買埋晒啲走緊下坡球員，成績亦唔慌好得去邊，今季淪落中游有辦你睇。

AC已今非昔比，但始終係名牌球隊，出戰一啲中下游分子，好難唔使讓波，好似今晚佢哋喺意甲主場對安玻里，初盤要讓半一，某啲菠菜公司仲有高水添，反映出莊家對佢哋信心麻麻，AC要讓波純粹係名牌效應。其實兩軍排名相若，睇番安玻里近十場作客只輸兩仗，證明呢班波都幾硬淨，況且AC中場本田圭佑有傳受傷上陣成疑，臨場隨時轉盤變AC讓半球都未定，趁安玻里仲有得受讓半一，呢個下盤不妨早啲入貨。

（TVB 301周日晚7時30分直播）
維拉利爾開餐時間

至於西甲華歷簡奴主場迎戰維拉利爾，肥叔上周中貼「黃色潛水艇」大盤亦順利得手，其實佢哋近七戰只曾兩負畀弗到漏油嘅巴塞隆拿，其餘賽事全勝，狀態之勇可見一斑，面對頹爆兼主場五連敗嘅華歷簡奴，「黃色潛水艇」讓半球非常合理，上盤不容錯過。

(now 632周一凌晨2時直播)
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！