御將軍猛龍過江

不死鸟

近年「電訊」系馬發展平平，但無減張氏兄弟對賽馬?熱誠，老二張敬石名下「電訊巨星」，會否一如英文馬名Telecom Super Star成為超級巨星？匹馬原產於澳洲，後來賣到新西蘭，響當地上陣3次，初出1200米得第四，翌仗爭1600米因增程太急，結果只跑第十三，及後收埋多加琢磨，5個月後復出加罩贏1400米，說明先前兩場大熱倒灶，只是時機未成熟，睇埋贏馬段片，鞍上人騎來小心，匹馬走規尚未夠順滑，應有改善和進步空間。
??血統方面，「求名」一族如「智勇」、「多多昇」均擅谷草，問題係未有過江綵排，試嘉年華閘起步仍有脾氣，初出睇定先。
上季一早嘜實文家良馬房「御將軍」，因為見其來港前後試閘相當受騎，乖巧得來有鬥心，果然第二仗便勝出，季尾一役敵不過加磅壓力才落敗，本身出腳重心低，窄場走位靈活，試埋谷閘有備而來，負131磅跟幾匹主要對手相差不多，在此有力再贏。