多蒙特客窒史特加

猪拉多纳

馬高列奧斯、奧巴美揚鋒線煞食

用「否極泰來」嚟形容多蒙特就最適合不過，呢隻「蜜蜂」歇完冬返嚟脫胎換骨，由「美男與野獸」馬高列奧斯同奧巴美揚組成嘅鋒線更加係大爆發，個勢咁猛梗係唔可以畀佢停，今晚德甲獨腳戲造訪史特加，當然要捧2.52倍「讓球客勝」啦！

（有線61、201及廣東體育周六凌晨3:30直播）

上季「阿二」多蒙特出閘脫腳，成個上半季淨係識踢歐聯，聯賽排名一度跌落榜尾，真係講你都唔信。每隊波都有低潮，多蒙特捱過艱苦嘅2014年後，踏入新一年明顯上力，歇冬返嚟分別以3:0同4:2大勝弗賴堡同緬恩斯，暫時脫離降班漩渦之餘，最重要係打番起班球員嘅信心。
連續兩戰大炒對手

剛啱同球會續完新約嘅「美男」馬高列奧斯，好番之後愈戰愈勇，由佢同「野獸」奧巴美揚合組嘅鋒線如魚得水，近兩場聯賽合力貢獻5個入波，新兵奇雲甘保爾表現對辦，有呢位斯洛文尼亞新星同香川真司、紐尼沙軒提供彈藥，「美男與野獸」隨時又再發威都未定。
史特加態沉唔齊腳

主隊嘅史特加繼續頹爆，最近5輪聯賽全部失分，家吓跌到落包尾。球會CEO杜特賽前呼籲班手足定啲嚟，強調隊波係有質素去扭轉劣勢，但坦言陣中缺乏一位經驗老將壓場喎！查實史特加呢排都幾濕滯，中場根拿做老竇缺操，拍檔摩列斯列拿又話小腿有傷要紮住上，一對箭頭夏歷同迪姆華拿已經8場冇波入，對住有曉姆斯病愈嘅多蒙特防線，輸大鑊就梗，隨時連蛋都破唔到呀！
盤路解碼

多蒙特今季「-1」戰績8勝3和14負
Data King：多蒙特近6次交手未輸過

‧雙方近6次交手多蒙特錄3勝3和。

‧史特加近7場主場賽事不勝。

‧多蒙特連開4口半場細。
乜都玩錦囊：史特加啞火 玩埋波膽0:2、0:3

史特加鋒力疲弱，21輪聯賽入得21球，近5場波更只係得1球進帳，想喺多蒙特後防搵著數有難度，0:2、0:3波膽係唔錯嘅選擇。
好波有得睇（直播以電視台公布為準）

澳職‧布里斯班獅吼 Vs 墨爾本勝利：周五下午5:00‧有線64、203

德甲‧史特加 Vs 多蒙特：周六凌晨3:30‧有線61及201、GT

法甲‧尼斯 Vs 摩納哥：周六凌晨3:30‧TVB302

意甲‧祖雲達斯 Vs 阿特蘭大：周六凌晨3:45‧TVB301