武里南聯 搶閘攻城

猪拉多纳

泰國新貴撞正南韓孤兒

亞冠盃分組賽今晚揭開戰幔，F組「泰國豪門」武里南聯主場對「南韓孤兒」FC城南，兩隊命運可謂一個天一個地，武里南聯自09年被尼溫收購後屢創佳績，前年更歷史性打入亞冠盃8強，絕對唔嘢小。反觀FC城南曾因賣盤乏人問津，最終由市政府接管，球隊預算有限，可以話係做又三十六，唔做又三十六，鬥心唔及武里南聯，簡單要主勝。

(now 670周二晚7時直播)

武里南聯有泰國政治強人尼溫全力支持，搖身一變為「南亞曼城」，引入唔少高質素外援，早前簽下兩位巴西前鋒馬辛拿及戴亞高山度。呢兩位森巴兵表現亦非常對辦，馬辛拿曾効力中超球隊杭州綠城，加盟後上陣兩次已入兩球。戴亞高山度則來自彭美拉斯，有一定質素。
FC城南未開咧狀態成疑

武里南聯喺國內聯賽稱王稱霸，過去4年3奪聯賽冠軍，幕後最渴望喺亞冠盃有一番作為，今場分組賽出閘唔衰得，肯定搏晒命。

FC城南嘅前身係95及10年亞冠盃盟主城南一和，但一和集團一年半前決定出售球會，不過一直搵唔到買家，幾經波折先至由城南市政府入主。球隊成績自然大倒退，上季聯賽僅排第9位，但因奪得南韓盃先至獲亞冠盃入場券，數級同屬於聯賽盟主嘅武里南聯有差距。加上南韓聯賽未開鑼，球隊夠唔夠狀態頂到幾耐都成疑問，捧番主隊為妙。