羅馬作客焗攻同飛燕諾做大騷

猪拉多纳

歐霸盃荷甲飛燕諾主場迎戰意甲羅馬，羅馬雖被視為其中一支半熱門，但首回合主場只能賽和飛燕諾，除未能勝出外更失去一個作客入球，今晚次回合作客焗搶攻，面對攻強於守，演出大起大落嘅飛燕諾會合演入球騷，大盤有2倍值得捧場。

（有線61及201台周五凌晨4時05分直播）
雌狼想晉級一定要入波

意甲勁旅「雌狼」羅馬季初係威係勢，但踢到季中頻頻失分，唔識贏波成為最大問題，踏入2015年三線作戰共11場比賽竟然和咗8場，於意甲已被祖雲達斯拋離9分，爭霸基本上無望，所以對歐霸盃特別着緊，首回合失利後今仗必須取得入球方有機會，可幸攻擊主力拿積同球隊精神支柱托迪近況都大勇，有望攻破積弱嘅飛燕諾防線，但羅馬近10場正式賽事中9場有失波，今仗同樣難保清白之身。

飛燕諾對歐霸盃同樣重視，首回合取得好成績亦激起雄心，呢班波向來演出飄忽，歐霸既輸過畀弱旅列積卡，但贏過西維爾同士砵亭，主因係攻強守弱，今晚有主場之利唔會死守，預期今仗入波唔會少。
Louis

Peter Bogdanovski

國籍：馬其頓

酒吧東主，半職業球評人，於足球菠菜資訊網站bettingadvice寫球評，曾獲1次全年總冠軍及2次亞軍，對多個聯賽都有心得，擅長發掘有好分頭冷門。