小保加強勢破「浪」

猪拉多纳

阿根廷國腳坐鎮質素超班

聽朝南美自由盃E組有場強弱懸殊戲碼，阿根廷勁旅小保加會喺主場恭候烏拉圭球會蒙特維多流浪。論人腳，小保加坐擁國腳級嘅盧迪路同加高已經贏成條街，加埋意大利鋒將奧斯華度今場有望處子登場，勢必搏盡騷哥利，開出1.8倍「讓主」簡直易過借火！

（開賽時間：周五早上7:15）

雖然阿甲啱啱開咧，不過小保加已經完全上力，上場作客坦柏利就算半場踢少個，最後都淨贏兩球，聯賽連自由盃三戰全勝，盡顯球員質素嘅優勢。其中球星盧迪路同加高喺中場一攻一守夠煞食，箭頭施巴斯坦柏拿斯奧斯近3場省3粒亦勁醒神，今場夥拍處子登場嘅奧斯華度攻堅，要入波真係唔難噃！
蒙特維多流浪唔齊腳

蒙特維多流浪就曳得多咯，相比小保加踢少個照贏，佢哋首輪分組賽鬥薩莫拿，唔單止踢多個先落後，仲要喺對手踢少兩件後，至能夠扳平再反勝，贏波根本冇說服力。最弊係防守中場哥倫賓奴同箭頭祖安馬斯亞喺呢場波先後食紅，今場齊齊坐波監。老實講，流浪本來夫添都唔夠砌，今場再少咁兩名主將，惟有輸少當贏囉。
南美自由盃賽制

現為分組賽階段，32隊分8組，每組4隊進行雙循環比賽，每組首名及次名晉級16強。
自由盃E組