潮語超低能勁搞笑

不死鸟

成個夏天熱到好似火爐咁，到呢一兩日先叫做好番少少，正因為咁，依家全世界都關心?地球暖化問題，真係唔到你同我唔面對。
講真Helen一向嚴守環保生活誡律，垃圾分類已行?成十年，掉得出街?都真係冇得循環再造，本性係咁，所以最唔鍾意人浪費天然資源，好似早幾日有個妹妹送?盒咩「馬場潮語咭」畀我，唔睇尤自可，一睇原來超低能勁搞笑，為免傷妹妹個心，返到屋企至畀清潔阿姐當廢紙回收，阿姐多謝冇聲，仲猛鬧馬會?人冇腦，出埋晒?廢物虛耗樹木，塗炭生靈。
的而且確，如果大家睇過「馬場潮語咭」呢款偉大貢獻，就會明白馬會呢十年八載，點解投注額一年衰過一年，因為某程度上，人?質素一蟹不如一蟹。
就講番呢盒咩咩潮語咭，內容只係一?跑馬嘅術語，例如內閃、脫腳、搶口等字眼，咁同潮流有咩關係？
配埋?唔好笑又冇意思?漫畫同caption，細路仔嫌冇趣，大人又嫌白痴，究竟出品「馬場潮語咭」?精英，target對象係邊類人？