長勝增程見真章

不死鸟

國慶盃1400米，「友誼至上」來港三季當中有兩季一出即贏，可見唞唞埋埋跑新鮮威力最強，今季7月尾復課後一直見力磨不懈，眼見狀態起得甚好，論馬卡士在此數一數二，跑出水準可期衛冕國慶盃。
??至於配腳方面，「再領風騷」轉東?後上陣最差都跑第四，本身早已習慣負重，起步搶出有權直領到底，乃前駒心腹大患。「厚利多」忠心好馬上陣絕少欺場，上季兩戰同程得冠亞各一，今季做足工夫而來，可入三甲。「開心歡笑」初出特首盃贏得出色，重納正軌後可望持續交出好表現。
第三班1400米，「長勝」上季尾初跑1400米得第二已見級數，今季開鑼日先跑短途賽，大可視作熱身之用，今次增程上陣正大派用場，4歲馬長線非此班可留，賠率回升更有值博率。
配腳首選「大家開心」，上季初出即贏馬，其後升上三班亦有好表現，賽前勤操猛練進度有突飛猛進之感，負輕磅力足介入戰團。「曉勝駒」初出輕鬆跑近，復課再操有明顯進展，路合可施突擊；「賞蝦王」亦有同感，都可加入作配腳看待。