艾美利亞上足彈藥 炸沉黃色殘艇

猪拉多纳

為護級1分都唔放過

樂比一向認為歐霸盃後遺症影響深遠，一來歐霸盃賽期密，好多時要連踢兩星期；二來踢周四夜波，球員根本冇時間恢復體力，再者歐霸盃參戰球隊一般只屬中型班資源冇咁充裕，雙線作戰人腳捉襟見肘，好多時都會影響聯賽成績。
維拉利爾或留力

維拉利爾貴為歐洲賽常客，呢方面其實已經算處理得好好，佢哋喺西甲暫時排第6，西班牙盃亦踢到4強先畢業，不過樂比深信就算實力幾強嘅球隊，都難以長期維持高水平。呢隻「黃色潛艇」上周中歐霸盃16強首回合就「潛晒水」，主場1:3不敵西維爾，嚟緊周中就會上演次回合，今場留力都係人之常情，最重要係佢哋喺西甲領先第7位嘅馬拉加7分，爭下屆歐洲賽入場券仲有失分空間。
艾美利亞新帥有料

相比起客軍維拉利爾，排緊尾3嘅艾美利亞現時則有如熱窩上嘅螞蟻，謢級形勢1分都不能少，戰意肯定好過維拉利爾多多聲！其實艾美利亞自去年12月易帥後，表現確係進步咗唔少，今季6場聯賽勝仗之中，就有4場係由新帥桑馬天尼斯領軍取得。況且西班牙人習慣晒夜生活，平時夜晚10點開波影響冇咁大，今場喺當地時間正午開波，對筋疲力竭嘅維拉利爾嚟講衰多兩錢重，「讓主」點可以唔支持？
西甲 19:00 （日）14 艾美利亞 Vs 維拉利爾

「黃色潛艇」維拉利爾踏入2015年好唔得閒，早前因為要分身應付西班牙盃同歐霸盃，近3個月只得1個周中冇波踢。要知道球員唔係機器，冇可能場場交足貨，依家「黃色潛艇」頻頻征戰變咗「殘艇」，歐霸盃仲要處於出局邊緣，嚟緊周中生死戰再鬥西維爾，今輪西甲搏唔搏真係好難講。對家艾美利亞護級搶得1分得1分，戰意鮮明備戰充足，樂比梗係撐1.87倍「讓主」！

（開賽時間：周日晚7:00）
樂比推介：艾美利亞（讓球主勝）