羅沙里奧中央遇升班隊老利

猪拉多纳

聽朝早有3場阿甲賽事，阿King睇好開咧4戰全勝嘅羅沙里奧中央可以喺主場輕取升班馬坦柏利。羅沙里奧中央係一支進攻型球隊，佢哋強大嘅攻擊陣容，可以對今季大部分阿甲球隊造成威脅，中場法蘭高施維同前鋒法蘭高尼爾近期嘅表現都非常活躍，而中鋒馬高魯賓更已攞到今季首個「帽子戲法」，狀態相當唔錯。
坦柏利近三仗不勝

羅沙里奧中央主場成績亦唔差，尤其面對升班球隊通常都可以攞到甜頭，今場對手坦柏利就係啱啱喺阿乙升上嚟，表現雖然係咁多支升班球隊中較為突出嘅一隊，但近3場波都贏唔到，今場面對氣勢如虹嘅羅沙里奧中央，相信都係等做炮灰，捧讓球主勝。

（周二凌晨3時開賽）