禾堡踩行油作客照贏

猪拉多纳

(日)26 緬恩斯 VS 禾夫斯堡

禾夫斯堡今季明顯崛起，係德甲唯一一支有能力威脅班霸拜仁嘅球隊，而且狀態十分穩定，球隊亦啱啱淘汰咗國際米蘭，殺入歐霸盃八強，仲一早被捧成歐霸奪標大熱門，足見分量十足。雖然佢哋較早前因為周中踢完歐霸，到周末聯賽作客曾經出現反覆，不過經過適應後，呢個問題已經解決，近三次踢完歐霸返到聯賽都能夠順利贏波，如今歐霸終於休戰，佢哋可以更專心聯賽，以奇雲迪布尼同巴斯杜斯嘅巔峰狀態，相信唔慣擺大巴陣嘅緬恩斯防線好難頂。

（有線61及64台周日晚10時30分直播）

緬恩斯換帥後總算企穩，新帥馬田舒密特領軍後，聯賽四戰只輸一仗，箭頭岡崎慎司亦回復勇態，上仗擊敗奧格斯堡後，基本上已護級無憂，佢哋亦明白本身限米煮限飯，爭取歐戰參賽資格嘅欲望亦唔算強，目前已經可以踢風流波，事實上佢哋今季面對前列球隊未贏過，例居下風，今季首循環面對禾夫斯堡淨吞三蛋，兩軍實力差距明顯，今仗都係捧番客軍。