聖羅倫素愈多波踢愈精神

猪拉多纳

新芝加哥防線紙屏風

阿甲周二凌晨及朝早夾埋有三場波，其中今季仲未開齋嘅新芝加哥會喺主場鬥聖羅倫素。新芝加哥今季升班後表現麻麻，踢咗五仗都仲未贏過而且場場有失波，今仗面對剛剛喺自由盃分組賽落敗，谷埋一肚火嘅聖羅倫素，好大機會變成「炮灰」，聖羅倫素作客讓平半非常抵買，阿謙捧上盤。

（周二凌晨3時開賽）

新芝加哥今季由阿乙升班後表現未如理想，球隊開咧五仗未贏過之餘，仲場場都有失波，可見呢班波防守力認真麻麻，就算球隊攻擊力唔錯，都係「前面入埋唔夠後面輸」嘅格局。新芝加哥今仗仲有中場基斯甸高美斯因傷上陣成疑，就算有主場之利都唔係咁易贏到波。
自由盃輸波要出氣

聖羅倫素啱啱喺上周中自由盃分組賽作客巴西聖保羅，表現唔錯下最終畀對手完場前射入奠勝球輸0比1，一眾球員自然非常失望。聖羅倫素跟住馬不停蹄又要作客新芝加哥，主帥巴沙有見及此決定進行輪換，今仗會派出七名冇喺對聖保羅時正選上陣嘅球員，包括門將李奧法蘭高、後衞錫圖、中場羅馬洛尼及前鋒維拿巴等，令球隊可以保持足夠戰鬥力。

其實，聖羅倫素本身嘅實力都足以分兩批球員出戰自由盃及阿甲，加上球隊今季三次踢完自由盃再踢阿甲都贏波，面對新芝加哥脆弱嘅防線相信可輕鬆贏波，讓球盤聖羅倫素小讓平半，阿謙推介上盤。