市原櫻花大激鬥

猪拉多纳

今日晏晝日乙做主打，阿King都唔執輸，睇中咗場前列大戰，由榜首嘅千葉市原主場硬撼「三哥」大阪櫻花，前者嘅金井貢史近期喺自己地頭變身「得分後衞」，櫻花亦有射手科蘭同卡卡奧壓陣，隨時合演入球騷，大盤咪走雞。

（周三晚6時開賽）

千葉市原一向係日乙勁旅，但升班通常唔輪到佢哋；不過今季情況有啲改善，球隊開咧四戰不敗排榜首，最搶鏡莫過於金井貢史，呢位守將連續兩次喺主場建奇功助市原擸晒三分，變身得分後衞令人意外。新加盟前鋒比斯尼克預計會繼續正選披甲，攻力唔使懷疑。大阪櫻花今季降班後並冇星散，成功留住科蘭同卡卡奧兩大名牌射手，但後衞藤本康太及中澤聰太因傷倦勤，今仗作客市原勢必以攻代守，預計會大手交易，與其估邊隊會贏，阿King寧願轉玩入球大。
溫泉傷鋒受讓都咪制

至於另一場日乙群馬草津溫泉主場對長崎成功丸，前者箭頭杜格拉斯坦基受傷仲要抖一輪，成功丸前鋒李勇宰連續兩場有士哥上晒力，小讓平半值得捧場。最後智甲秋聖地牙哥漫遊者主場對柏利斯天奴，柏利斯天奴今仗冇傷冇病，而且近五次造訪聖地牙哥漫遊者未嘗一敗，仲有得受讓不容錯過。