(六)33 愛華頓Vs修咸頓：愛華頓專注聯賽劏聖人

猪拉多纳

修咸頓前鋒加斯安奴柏利周中代表意大利於熱身賽對英格蘭時攻入一球，今晚回歸英超帶領「聖人」作客愛華頓自然倍添信心，不過愛華頓早前已於歐霸盃宣布畢業，餘下時間可以專心應付本土聯賽，今晚主場出擊唔使讓波非常抵玩，平手盤捧愛華頓。

（now 622周六晚10時直播）

「聖人」今季十四場作客聯賽贏七場，勝率達五成，但要留意佢哋客場入波只有十五球，平均一場僅入一球多啲，就算加斯安奴柏利重拾射門鞋，恐怕亦幫唔到球隊幾多。
主場唔使讓波值博

愛華頓暫排聯賽榜十三位，既難爭入前列參加歐洲賽，降班威脅亦不大，餘下球季可以講係風流波，不過睇番佢哋對上一場聯賽喺歐霸盃出局後，作客依然能夠擊敗志切搶分護級嘅昆士柏流浪，證明佢哋冇Hea踢。自從修咸頓於12/13年球季重返英超以來，兩軍對上五次交手主場一方佔盡優勢，一共取得四勝一和成績，今場愛華頓唔使讓波好值博。