朗尼翻生紅魔大屠殺

猪拉多纳

曼聯今晚主場對維拉，追1.68倍入球大最穩陣。雖然「紅魔」教頭尹戈爾一直畀人笑，入圍英超3月份最佳領隊候選名單最後又贏唔到，不過朗尼歸位打番前鋒後勁醒神，相信會帶挈尹帥威番鋪，要同維拉開入球騷唔難喎！

（now621台周六晚10:00直播）

冇錯曼聯喺足總盃被阿仙奴踢出局，但上個月佢哋喺聯賽3戰全勝，包括打沉熱刺同利物浦，所以尹戈爾有機會爭英超3月份最佳領隊榮譽，拎唔到獎當然要嗌球員更落力搶分，何況紅魔要搶分爭歐聯入場券，梗係要踩行油入多幾球啦！

事實上，自從尹佩斯養傷，法卡奧被打入冷宮，朗尼打番前鋒後無論喺球會定國家隊都有貨交，相信佢會食住條氣入波，以免被球迷鬧佢嘥米飯。另一方面，維拉喺舒活接手領軍後開始反彈，就連賓迪基都翻生入番波，撞啱維拉近4次作客奧脫福全敗，每場至少失3球，唔玩大點得呀？
（六）35 曼聯 Vs 阿士東維拉