舒活為報私仇 落柯打維拉拔刺

猪拉多纳

同晚倫敦呢邊將上演一幕「王子復仇記」，効力熱刺多年嘅舒活將會以阿士東維拉主帥身份倒戈白鹿徑球場。舒活今場帶住私人恩怨同護級決心鬥熱刺，點都唔輸得，加上熱刺今場有後衞基爾獲加同鋼門洛里斯因傷缺陣，一於捧受讓嘅維拉。

（now 621周六晚10時直播）

雖然舒活率領嘅維拉依家處於水深火熱之中，同第18位嘅昆士柏流浪（QPR）只差3分，但一向好情緒化嘅舒活今場對熱刺賽前都一樣瘋狂「爆seed」，一時話熱刺話喺佢執教熱刺期間否認接觸過其他領隊係講大話，實情係斟過尹戈爾、法蘭迪保亞等主帥；一時又話當初離開熱刺係件好事：「我好滿意自己執教熱刺嗰陣嘅成績，但球會高層認為嗰個決定係對球會最好嘅選擇，我依家好感激佢哋，因為咁樣先令我有機會教維拉。」嘩！真係好大陣「酸味」呀！
洛里斯缺陣 賓迪基有計

舒活今場帶領維拉對熱刺，既要復仇亦要護級，好彩頹咗大半季嘅王牌賓迪基及時發威，上場對QPR連中三元，幫維拉攞到救命1分，今場對住冇咗「神龍」洛里斯嘅熱刺，有望至少保住不敗，捧讓球客勝！