阿聯獅吼搶分大激鬥

猪拉多纳

澳職踢到最後3輪，無論冠軍定季後賽資格，都未知鹿死誰手，形勢相當緊湊。就好似今日排第4嘅阿德萊德聯主場對第7嘅布里斯班獅吼呢場，一隊爭冠，另一隊就搏入季後賽。阿聯喺近6場主場賽事已經5次開出入球大，今場對住非勝不可嘅獅吼，肯定繼續「搏殺格」，一於再追1.7倍入球大啦！

（有線64、203周六下午3:00直播）
阿聯主場5戰轟14球

阿德萊德聯近4場聯賽有3勝1和佳績，目標係爭入常規賽頭兩名，為季後賽可以踢得舒服啲鋪路。咪睇阿聯近兩場聯賽都小勝1:0，就覺得佢哋風格係踢穩陣波。查實呢支擁有柏保路山齊士等天才攻擊手坐鎮嘅球隊向來鍾意主攻，雖然中場卡路斯卡未必出得，不過佢哋防線失誤亦多，如果唔係門將加利高域上場9次神級撲救，呢班波根本保唔到清白之身。再睇返佢哋近5場主場聯賽喪入14球，今場喺地頭出擊，肯定有大把波入啦。
獅吼爭頭6踢季後賽

布里斯班獅吼依家排第7位，落後第6位嘅墨爾本城6分，不過佢哋踢少1場，要趕上季後賽尾班車，喺剩低嘅呢3場常規賽，真係要當決賽咁踢。雖然主力射手軒歷基安達迪掛免戰牌，幸一對射手桑蘇拿辛奴、卡路查奴域狀態大勇，淨係睇上場聯賽炒中岸水手6個1皮，中場魯斯迪卡更連中3元，就盡顯霸氣，今場作客冇有怕，實照樣同阿聯鬥攻！
頂占筍盤：阿德萊德聯（入球大）