(日)4 清水心跳 VS大阪飛腳

猪拉多纳

清水心跳剛喺上周中嘅日聯盃主場輸畀川崎前鋒，表現依然未能令球迷滿意，特別係球隊近期失球數字偏高，今仗仲有中場河井陽介及後衞迪贊積高域要坐波監，相信好難保到清白之身。大阪飛腳喺上周中亞冠盃作客贏咗泰國嘅武里南聯，再次展現球隊強大嘅火力，主帥長谷川健太今仗領軍倒戈，上季飛腳面對心跳連盃賽取得3勝1負嘅成績。縱然長谷川健太球員時代以至轉做教練後，都曾經長時間効力心跳，但今仗相信都會冇情講，簡單捧飛腳客Ｗ。

（有線61及201台周日下午2時直播）