阿倫奧厄護級戰意堅

猪拉多纳

今季德乙護級形勢吃緊，聖保利前晚輸波後續以28戰得25分排包尾，兩支同分但少踢一場嘅球隊阿倫、奧厄今晚同時間分途出擊，搶分決心毋庸置疑。

（周日晚7時30分開賽）

先講得失球較好、排16位嘅阿倫作客鬥柏林聯。柏林聯今仗有前鋒蘇連白蘭迪及中場高拿因傷缺陣，對球隊進攻影響甚大。阿倫近四場聯賽不敗，上場面對前列隊伍卡爾斯魯危喺兩度落後下仍能逼和對手，打起咗全隊信心，前鋒古安拿及中場加素拿近期頻頻有士哥，有權反客為主，受讓平半下盤值得支持。

另一場奧厄主場迎戰辛特侯遜，辛特侯遜已經逐漸脫離降班威脅，球隊對上兩仗均在領先情況下被對手追和失分，戰意稍見鬆懈，捧奧厄主W。