疲兵河床讓唔起小阿根廷人

猪拉多纳

（日）69 小阿根廷人 Vs 河床

周日阿甲尾場賽事，小阿根廷人主場頂得住河床，受讓半一值得捧場。小阿根廷人今季主場硬淨，4戰2勝2和，近兩場都喺落後下追和對手，後勁夠晒強韌，更何況佢哋根本唔赦河床，近10次對決打和4場、各贏3場，今場值得追捧。
河床自由盃後例失手

河床雖為阿甲不敗之師，聯賽連同自由盃更加連續11場不敗，但其中7戰和波收場，贏波率得3成多啲。再講吖，河床雙線作戰搞到兩頭唔到岸，除自由盃踢咗5輪未贏過，之前兩次自由盃遠征後返到阿甲，最終只能夠摸和對手。幾日前至征戰墨西哥踢自由盃嘅河床，聽朝返到阿甲想贏都幾難。