甘岡打雷博翻身

猪拉多纳

（日）41 雷恩 Vs 甘岡

法甲今晚有中游大戰上演，雷恩喺主場對甘岡，讓平半不如博下盤。雖然雷恩上星期大勝，但對手只係護級分子羅連安特，唔代表佢哋好叻，而且甘岡喺法總4強出局後，相信會喺聯賽打翻身戰，受讓值得支持。

（TVB302台周日晚11:00直播）
雷恩冇嘢好爭

雷恩要爭入前列踢歐洲賽嘅機會渺茫，降班又唔輪到佢哋，依家擺明踢緊風流波，而且佢哋有好多傷兵，即使主場都未必有足夠鬥心取勝。對家甘岡有中場基巴迪同後衞班捷文安古亞停賽，但佢哋已經喺法總衞冕失敗，放低包袱係時候喺聯賽威吓。