帕爾馬發惡搶劫熱拿亞

猪拉多纳

「意甲亞視」帕爾馬發窮惡，愈戰愈勇，上仗更爆冷擊敗榜首祖雲達斯，非常犀利。事實上，帕爾馬急需搶分護級以吸引投資者，故每場都要豁出去一搏，今晚佢哋聯賽作客熱拿亞，有得受讓必捧下盤。

（TVB 301周四凌晨零時30分直播）

帕爾馬落後排尾4嘅阿特蘭大13分，但仲有9場聯賽可以追，護級仍有希望。球隊近期亦大踢爭氣波，作客打和國際米蘭，跟住擊敗烏甸尼斯，上仗更力挫祖記，踢出今季代表作。賽後教練鄧納東尼發表「抗爭宣言」，話球會崩潰，但球隊不死，依家非常團結，要踢好每場波，非常熱血。
搏命護級吸引「白武士」

事實上，如果帕爾馬想獲富商或財團做「白武士」，入主球會泵水救亡，最重要係保住「意甲牌照」，咁先至有價講，依家唔只為3分，更加關乎球隊生死存亡，球員以「絕地求生」態度比賽，士氣自然高昂，有力取得分數而回。

反觀熱拿亞位處聯賽中游，高不成、低不就，欠缺爭勝動力。球隊亦似乎已有等收鑼心態，近6場聯賽僅1勝。加上雙方近6次交手，熱拿亞只有兩勝，今仗要讓半一，實在太被高估，必捧對家。