里昂追榜首主場大「斯」殺

猪拉多纳

法甲今晚有場獨腳戲，里昂喺主場對巴斯蒂亞，大家可以當係歐聯前菜。現時里昂落後巴黎聖日耳門1分，贏波就可以重返榜首，況且隊長干拿倫斯傷愈復出，射手拿卡錫迪要證明實力鋪路去英超搵銀，1.98倍「讓球主勝」抵捧！

（TVB302台周四凌晨0:30直播）
拿卡錫迪被英超球會睇中

里昂月頭作客以3:1輕取甘岡，咬住聖日耳門唔放，雖然佢哋有中場哥古夫在內等唔少傷兵，好在隊長干拿倫斯、中場加連尼亞好番，兵源充裕番好多，加埋今季攻入25個入球嘅首席射手拿卡錫迪，據講被利物浦、阿仙奴、車路士同熱刺等英超球會睇中，假如佢幫到里昂拎聯賽冠軍，轉會就可以嗌更高人工，今仗肯定騷盡哥利狂入波啦！
巴斯蒂亞陣容殘客戰3連敗

對手嘅巴斯蒂亞日前喺法聯盃決賽淨吞聖日耳門4蛋，仲要有射手泰路加治、施斯、中堅史基拿斯掛免戰牌，陣客不整表現走晒樣，作客已3連敗嘅佢哋，隨時被炒多鑊，貪心啲不妨博埋1.8倍入球大。