紐約城冇韋拿 想贏都難

猪拉多纳

美職新軍紐約城雖然獲得西班牙名將韋拿加盟，但開季戰績唔算好標青，六戰僅得一勝，今仗喺主場迎戰西岸嘅波特蘭伐木者唔係贏硬，熱捧1.57倍嘅讓球客勝！

（周一早上7時開賽）

紐約城最近兩戰費城聯都臨天光瀨尿，先喺作客一戰於臨完場90分鐘遭絕殺輸波，上場主場出戰又畀對手喺尾段逼和，痛失兩分，球隊士氣定受影響。今場對住伐木者，紐約城除咗中場佐治約翰打柴，王牌韋拿更因腿筋受傷上陣成疑，冇埋呢把尖刀，紐約城仲有乜嘢把握全取三分？一於捧受讓嘅波特蘭伐木者喇！