哈馬比百年會慶細頂馬模

猪拉多纳

新一季瑞典超踢完頭三輪賽事，表現最令人驚喜係升班球隊哈馬比，適逢今年係哈馬比創會一百周年紀念，球隊上下當然希望爭取好成績向球會祝壽。乘接開季三戰不敗氣勢，今周作客上季冠軍馬模唔係冇得打，高手過招預計入波唔會多，細盤可作過關重心。

（周二凌晨1時05分開賽）

比起另外兩間來自斯德哥爾摩嘅球會AIK蘇納及佐加頓斯，哈馬比近年成績顯然較遜色，自從喺09年降班之後，要到今季才能重返頂級聯賽，不過能夠喺呢個時候升班可以講係最佳時機，因為今年係佢哋創會一百周年紀念，球會已準備好一連串慶祝活動，試問有乜好過交出好成績作為最佳禮物？哈馬比開季三戰保持不敗，上周喺打吡戰擊敗佐加頓斯，信心、士氣更攀上高峰，今場作客同樣三戰未輸過嘅馬模，預計會係一場實力接近嘅比賽，首選入球細。
希爾星堡乘勝追擊

另一支升班球隊辛斯華爾今季亦有好表現，現時三戰得四分位列中游，今場作客對住三戰不勝嘅奧雷布洛，捧讓球客勝。最後老牌勁旅希爾星堡經過連續兩場互交白卷後，上周終於擊敗咸史達斯取得今季首捷，今次主場迎戰諾高平可乘勝追擊，捧主W。