吼祖記皇馬半和全贏

猪拉多纳

歐聯8強嚟到次回合，好多人會認為首回合輸波嘅球隊，今仗一定會大舉反撲，不過度士覺得要視乎首回合落後幾多球而決定，若果係輸兩粒或以上的話，上述理據便可成立。

不過，今晚摩納哥主場對祖雲達斯，前者首回合僅負0比1，即係話今仗只要追番一球，總比數便打成平手，令雙方重新返回起跑線，所以佢哋唔需要太急。同樣地祖記揸住一球優勢，亦會睇定嚟食，初段唔會輕舉妄動，既然雙方大踢穩陣波，度士又稍為睇好呢支意大利班霸，始終祖雲達斯實力上比對手優勝，今場波寧願捧有4.8倍分頭嘅和客。
皇馬不失波為首任

至於重頭戲皇家馬德里主場對馬德里體育會，情況亦大同小異，由於首回合踢成0比0，呢個比數帶來很多懸念；馬體會上仗雖未能取勝，但最重要係冇失波，反之皇馬首回合搶唔到作客入球，萬一今仗被對方先入波就麻煩，皇馬就算追得和都唔掂，一定要喺九十分鐘內反勝先可晉級。所以為免出現咁被動狀況，皇馬今場波嘅首要任務係保持不失，況且「銀河艦隊」今屆對馬體會多番吃苦頭，主帥安察洛堤點都會耐心地等待機會，讓球盤皇馬讓到半一過晒火位，度士建議揀有4.5倍分頭嘅和主。