巴塞隆拿弗爆菲捧不可

猪拉多纳

西甲榜首巴塞隆拿今晚主場對基達菲，「地上最強」嘅巴塞現時只係領先次席皇馬兩分，一哥位置並唔穩陣，加上基達菲屬於馬德里市球隊，巴塞更加唔會手軟。尤其係尼馬為洗脫「換人首選」污名，近期大踢身價波，配合美斯同蘇亞雷斯，基達菲又點抵擋得住，巴塞「-3」仍然要揀讓球主勝。

（now 632周三凌晨2時直播）

巴西球星尼馬早前經常被教練安歷基換走，搞到好冇癮，甚至傳出將帥不和。不過，呢位射手愈來愈成熟，並冇發爛渣，而係以行動「征服」安帥。當中歐聯8強兩回合，個人獨取3球，風頭蓋過「大哥」美斯，踢到着晒火，勒都勒唔住。加上蘇亞雷斯同隊友愈來愈夾，令「MSN」威力日漸增強，等閒之輩都招架唔住佢哋。
基達菲作客魯營唔老黎

賽前巴塞仲傳出好消息，今季新加盟、一直養傷嘅後衞華美倫已經傷愈，今仗有望首次為球隊披甲。隊友們當然要入多幾球，減少佢上陣時嘅壓力。至於基達菲同降班區仍然有一段距離，搶分壓力唔大，近期成績亦令人失望，包括作客吞畢爾包4蛋。睇番佢哋過去4次作客魯營球場，有3次淨輸4球或以上，今場都係凶多吉少。

阿杰

阿杰

阿杰

很多时候都不懂版主在忙什么，现在明白了。。。。。辛苦了。

阿杰