梅斯馬賽各有所求做大騷

猪拉多纳

今晚法甲梅斯主場迎戰馬賽。馬賽聯賽四連敗爭標美夢已告幻滅，但仍需為角逐下屆歐聯入場券盡最後努力。梅斯四日前先於補賽作客不敵聖日耳門，連鬥兩大勁旅唔易啃，馬賽客W固然可取，考慮埋兩軍近期踢法均屬有前無後，大盤係更好選擇。

（TVB 302周六凌晨2時30分直播）

馬賽上半季大部分時間高踞法甲榜首，可惜去到季尾關鍵時刻先嚟腳軟，演出嚴重走樣，除咗作客經常失分，連原本引以為傲嘅主場亦靠唔住。自從主場聯賽11連勝斷纜之後，馬賽對上五場主場聯賽只得兩和三負，唔單止已落後榜首巴黎聖日耳門14分宣布無緣爭標，而且更被摩納哥、聖伊天趕過跌落第5位，想爭入前３出席來屆歐聯今場焗住搶攻。
兩軍近期交投暢旺

梅斯周中剛於補賽作客不敵聖日耳門，體力上比以逸待勞嘅馬賽蝕章，而且梅斯目前落後尾4嘅蘭斯8分，和波對護級幫助不大，主場出擊一定要搶攻，隨時畀到更多機會馬賽打反擊。照牌面睇今場馬賽贏波機會較高，不過1.68倍大盤更為可取，始終梅斯近期喺聖日耳門、波爾多及聖伊天等前列球隊身上都能取得入球，馬賽上輪對羅連安特又試過一場失五球，今場雙方各有所求下必定鬥攻，相信入波應該唔會少。