阿倫恰到殘陣波琴

猪拉多纳

德乙護級形勢緊湊，由第14位格雷特霍夫至18位奧厄，只有3分距離，1輪賽事足以令形勢完全改變。排尾三嘅阿倫主場對波琴，正係搶分良機，因為波琴傷兵問題嚴重，導致成績急插水，已經4連敗，殘陣之下阻唔到阿倫全取3分，簡單要1.93倍主勝。

（周日晚7時30分開賽）

阿倫由3月初開始，已經保持7場不敗，搶分鬥心十足，但排尾三仲要踢護級附加賽，阿倫想安全上岸，必須盡快擺脫尾三位置。慶幸球隊狀態不俗，前鋒古安拿近3仗入兩球，攻力唔成問題。德乙只剩下4輪賽車，相信阿倫球員危機感會愈來愈大，會更落力搏殺。

至於波琴護級壓力唔大，球隊現時最大問題係傷兵滿營，射手施斯達克、中場田阪祐介、後衞賀特侯斯、施梅歷等多位球員受傷缺陣，想結束4連敗頹勢，恐怕有心無力。爭升班方面，卡爾斯魯厄作客包尾嘅奧厄，實在冇理由失拖，卡爾斯魯厄客W仲有1.82倍，的確抵玩。