漢堡為保招牌冇「緬」畀

猪拉多纳

德甲 21:30 （日）43 緬恩斯 Vs 漢堡

上季逃過降班厄運嘅漢堡，今季繼續為「從未降過班嘅球會」呢個生招牌而戰。今晚呢支德甲「老字號」造訪緬恩斯，考慮到佢哋上仗贏波後士氣大振，加上呢隊波最鍾意喺人哋主場偷雞搶分，漢堡受讓半一，1.84倍下盤博得過。（有線61、64、201及203周日晚9:30直播）
緬恩斯對賽冇甜頭

緬恩斯早排連贏史浩克同弗賴堡，隨即升上中游位置，降班壓力大減，本來係好事嚟嘅，但正因為咁，佢哋今晚仲能唔能夠Keep到狀態同鬥志，真係一個疑問，更何況呢班波喺主場鬥漢堡向來都佔唔到甜頭，近6次只係贏得1鋪咁大把，仲邊有本事學人讓到半一先？

相反，漢堡上仗砌低奧格斯堡3:2，中止聯賽5連敗之餘亦總算打番起士氣，今輪聯賽未開波前，漢堡已攀升至第16位，護級重現曙光，相信漢堡班球員唔想做歷史罪人「創紀錄」，今仗落到場肯定加多兩錢肉緊，有分落袋唔出奇吖。