拉素保三甲唔放過國米

猪拉多纳

意甲兩支「粉藍兵團」拉素、拿玻里為下屆歐聯席位爭崩頭，兩隊今晚分途出擊搶分，拉素主場迎戰國際米蘭。意甲仲有4輪聯賽，第3位嘅拉素僅領先拿玻里4分，歐聯入場券並唔穩陣，喺自己地頭出擊，肯定採取主動。國米踢風流波，反而愈戰愈勇，唔怕同對手火併，首選入球大。

（TVB 301周一凌晨2時45分直播）

意甲只有3個歐聯名額，冠軍祖雲達斯已穩佔1席，餘下兩席屬於羅馬、拉素、拿玻里之爭。拉素今季表現令人驚喜，主場勝出率高達71%，僅次祖記。呢支首都球隊之所以有脫胎換骨演出，好大程度上因為教練皮奧利崇尚進攻足球，34場聯賽攻入64球，同祖記平分秋色，都係意甲入波最多球隊。而且入波球員分佈平均，高路斯、菲臘安達臣、莫利、簡達華、馬高柏洛路都有數胡能力，進攻點夠多，令對手防不勝防，足以撕開國米防線。

國際米蘭季尾表現有起色，近5仗有3勝2和，連阿仙奴借將普多斯基都翻生，上次作客烏甸尼斯，終於開齋。射手莫路伊卡迪今季已轟入18球，要爭射神手獎，仍然會搏盡。兩隊近4次交鋒，有3次總入球達4球或以上，今場大細中位數維持2.5球，大盤開出機會高。
拿玻里炒得起帕爾馬

至於拿玻里作客帕爾馬可望大勝，帕爾馬已經篤定降班，根本無心戀戰，近兩仗共吞8蛋。即使拿玻里有歐霸盃4強後顧，仍然有力炒起對手，直取讓球客勝。

(TVB301周一凌晨零時直播)