華倫應贏則贏夠正氣

猪拉多纳

大水喉射住有番團火

季尾波戰意行先，「蝙蝠兵團」華倫西亞愈戰愈勇，今季表現穩定又正氣，由於來屆歐聯入場券近在咫尺，今晚西甲主場迎戰勁硬淨嘅切爾達唔會手軟，初盤讓一球兼低水擺明有計。

（now 631周一凌晨1時直播）

搞波最緊要有條大水喉射住，前幾年華倫西亞因「洗腳唔抹腳」致瀕臨破產，成班球員都好驚有汗出、冇糧出，日子耐咗，就算肯拍硬檔捱義氣，亦好難長時間Keep住團火。好彩今季有新加坡富豪林榮福入主，雖然有人認為呢位「外行」喺幾宗買人交易買貴咗，但正正顯示出佢急於帶領「蝙蝠兵團」復甦嘅雄心。當然「白武士」在商言商，付出咁多梗係想收番啲回報，因此劍指前四嘅來屆歐聯參賽資格，而球員亦好生性，今季應贏則贏，上仗作客幾乎贏埋皇馬弗到震。
主場對切爾達勝算高

由於華倫西亞愈戰愈勇，位列第4正氣到暈，開盤手對佢哋評級亦不斷提升，重上至當年兩闖歐聯決賽嘅級別，睇番今晚主場對出名硬淨嘅切爾達，主勝連1.5倍都冇，係咪高估咗啲呢？不過華倫西亞主場出擊特別SHARP醒，今季踢咗15仗贏咗12場，包括勇挫馬德里雙雄，絕對唔好蝦，初盤讓一球兼低水唔係冇原因。而且華倫領先第5嘅西維爾3分，1勝1和嘅對賽成績又騎住西軍，只要今仗擊敗切爾達，便可穩袋嗰張歐聯入場券，肥叔認為係坐走望贏格局，呢個上盤有買趁早。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！