皇馬擦私房菜洩憤

猪拉多纳

西甲 01:00 （日）47 愛斯賓奴 Vs 皇家馬德里

皇馬目前落後榜首巴塞4分，家陣西甲只剩番兩輪，要成功爭標嘅機會，老實講真係唔高，之但係「銀河艦隊」日前喺歐聯被踢出局谷到成肚火，近4戰獨取5球嘅C朗，今輪聯賽造訪「私房菜」愛斯賓奴，勢必趁機喪入波發洩，皇馬讓一球可以話係濕濕碎，揀2.17倍「讓客」啱數啦！

（now633台周一凌晨1:00直播）
愛斯賓奴Hea踢等吞蛋

愛斯賓奴自08年開始16次同皇馬交手，結果只得3和13負，夾埋勁失37球，名副其實係皇馬嘅私房菜。更何況愛斯賓奴家陣排喺聯賽榜第9位，冇得爭歐洲賽入場券，降班又輪唔到佢哋，贏波決心同「剋星」皇馬冇得鍊，今場都係疊埋心水做炮灰罷啦。