FC廣州征韓吼細

猪拉多纳

「摧城拔寨」咪當真！

今晚續有亞冠盃16強首回合賽事，重頭戲梗係中超FC廣州（廣州恒大淘寶）作客南韓FC城南，雖然恒大宣傳海報主題為「摧城拔寨」，睇落好似戰意旺盛，但宣傳還宣傳，主帥簡拿華路就表明今場和波都可接受，睇嚟唔會多波入，1.72倍嘅細盤博得過。

（now 670周三晚6時30分直播）

「中國曼城」恒大今季真係似足英超嘅曼城咁，總係踢得唔多順，最近4場只係贏得1場，包括喺足協盃不敵新疆天山雪豹出局、中超榜首大戰亦都未能於主場擊敗FC上海，咁嘅狀態今場又點可以「摧城」呀？
兩軍同樣大傷「鋒」

連恒大教頭簡拿華路賽前都唔奢望今場會贏到：「即使作客城南打和1比1，都係非常唔錯嘅結果。」睇嚟恒大嘅目標都係想攞作客入球，下回合返到主場先同FC城南死過。

今場雙方都有鋒將缺陣，FC城南前鋒南俊宰、黃義喬皆有傷在身，今場難以上陣，至於恒大亦有射手艾傑臣及阿倫杜格拉斯因傷避戰，兩軍攻力受損下今場唔慌多波入，捧細盤仲實際。

同時間仲有另一場亞冠盃直播賽事，由FC首爾主場對大阪飛腳，首爾今場有中堅奧斯馬巴巴坐波監，射手朴主永因未有註冊而無緣出戰，不過球隊近況不俗連贏3場，今仗更要把握主場之利喪砌，戰意鮮明一於要入球大！（now 671周三晚6時30分直播）