波圖Hea踢細贏彭拿費爾

猪拉多纳

葡超最後一輪聯賽，唔少對碰已成例行公事，包括今晚波圖主場對彭拿費爾。波圖上仗失分後，正式將冠軍拱手讓畀賓菲加，各位球星等抖暑，恐怕已無心戀戰，隨時Hea踢了事。至於彭拿費爾已篤定降班，加上本身實力差，難以對主隊構成威脅，入球大細中位3.5球，博細盤。

（有線155台周六凌晨3時30分直播）

波圖落後榜首賓菲加3分，但因對賽成績較差，換言之篤定以亞軍過終點，今仗對呢支班霸而言，已經冇晒爭勝意義，加上對手只係包尾嘅彭拿費爾，教練洛佩特吉隨時收起主力，畀佢哋提早放假，就算有得上陣，相信亦唔會浪費體力喺呢場例行公事身上，表現走樣屬意料之內。
爭標失敗 主力休息

彭拿費爾上仗喺榜尾大戰，擊敗另一支降班球隊基維辛迪，當係攞番個尾彩，向主場球迷有所交代，今場到訪波圖，以兩隊實力差距，相信彭拿費爾唔敢奢望爆冷，更何況彭軍近6場有5場冇波入，估計佢哋今場連入波都難。不過，考慮到波圖唔會去盡，預料小勝格，主W1.02倍冇肉食，讓球主客和「-2」風險高，最好揀入球細。