熱拿亞冇歐戰踢都照砌

猪拉多纳

今晚有多個歐洲聯賽進行煞科戰，尤其係德甲護級區亂過亂世佳人，隨時於某一隊領先嗰陣，會直接影響另一場嘅護級勁敵戰意，呢類波最好玩走地，睇定形勢先入貨。因此肥叔今日嘅重心推介場次，係意甲熱拿亞主場迎戰沒落豪門國際米蘭，難得唔使讓波，平手盤力撐熱拿亞。

（TVB 301周日凌晨2時45分直播）

先講一些題外話，歐洲足協周中公布有7支意甲球隊未能通過經濟審查，或球場安全問題而被剝奪下季參加歐洲賽資格，熱拿亞就係其中一隊，雖然佢哋依家排緊第6，但都唔使旨意有得踢歐霸盃，係咪意味住佢哋會hea踢呢？肥叔就唔係咁睇。熱拿亞雖非豪門球隊，評級普遍偏低，但坐鎮主場總係交到貨，祖雲達斯、拉素、AC米蘭、費倫天拿等強隊嚟到呢度都要失分而回，呢點係熱拿亞成為肥叔愛隊嘅重要原因。
操盤手睇低國米

除咗上仗反輸畀祖記外，國米再之前嘅7場比賽未嘗一敗，近年對熱拿亞又贏多輸少，理應秤先。不過今仗只開出平手盤，唔多唔少反映出操盤手對「藍黑兵團」信心不足，肥叔一向睇盤做人唔信名牌，難得熱拿亞於自己地頭出擊唔使讓波，呢個平手盤有買趁早。
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！