馬拉加讓主有數維

猪拉多纳

西維爾留力歐霸決賽

德甲、西甲同埋法甲同日煞科，鍾意睇波嘅球迷認真唔得閒，不過經驗話畀我哋聽，太多波通常未必兼顧到，而且某啲賽事戰情會受到其他賽果影響，建議大家都係唔好太貪心，一於重點出擊，是日推介馬拉加1.7倍讓球主勝。

（開賽時間：周日凌晨0:30）

歐霸決賽於下周中舉行，由衞冕嘅西維爾對迪尼普。由於今屆歐霸冠軍可自動取得來屆歐聯入場券，變相令聯賽排第5嘅西維爾，有多個來季踢歐聯嘅保險，若然佢哋喺最後一輪聯賽趕過華倫西亞，固然可提早取得歐聯入場券，即使失敗，亦有機會憑歐霸冠軍取得歐聯資格。

若然我係西維爾教練艾美利，就肯定留番幾日後決賽盡地一煲，贏嘅就一次過完成兩個任務，總好過今場作客馬拉加搏得太盡，班人傷咗踢唔到決賽點算？到時雙失就真係冇人可憐，畢竟聯賽形勢太過被動，要寄望另一邊廂華倫西亞失分，先有機會後來居上拎第4，識計數一定係揀下場搏。
地頭惡巴塞馬體會都失分

就算兩隊打真軍，樂比亦唔認為馬拉加會輸蝕得過西維爾，事關佢哋喺主場特別sharp醒，強如巴塞、馬體會去到佢哋地頭都要失分，況且過去3季主場對西維爾亦取得2勝1和佳績，教練查維加西亞接受訪問時講明，希望喺主場贏波謝幕，如果拎到歐霸入場券就最好不過，戰意唔使懷疑，受讓唔博等幾時先？
樂比推介：馬拉加（讓球主勝）