紅魔打虎大義滅親

猪拉多纳

費Sir發功救唔到布魯士

英超終於嚟到煞科日，今晚10場賽事會喺同一時間舉行，唯一懸念係紐卡素同「老虎」侯城，邊一隊會陪般尼同昆士柏流浪降班呢？侯城將會坐鎮主場火併「四哥」曼聯，由於尾三嘅「老虎」非勝不可，為護級必豁出去搶攻，但顧住攻唔識守，隨時畀紅魔火燒後欄，況且今仗好大機會係曼聯「老虎」法卡奧告別戰，點都想入波爭番啖氣，一於「大義滅親」反咬有紅魔名宿布魯士領軍嘅侯城，大盤及曼聯上盤可兼投。

(now 623周日晚10時直播)
侯城焗攻隨時輸鑊甘

依家尾三嘅侯城陷於水深火熱之中，落後尾四嘅紐卡素兩分，今仗除咗要擊敗領隊布魯士嘅舊東家曼聯之外，仲要望紐卡素贏唔到韋斯咸，先有機會計得失球差（領先7球）而逃過降班厄運，因此今仗冇得諗咁多，一定火力全開搶攻爭勝，不過侯城中後場防守力認真麻麻，谷得太前只會暴露更多空位畀紅魔打反擊，極有可能偷雞唔到仲要大敗降班。

雖然話布魯士乃係紅魔名宿，93年對錫周三末段就係憑佢梅開二度反勝對手，成為曼聯力壓阿士東維拉稱霸首季英超嘅關鍵，並為紅魔王朝奠下基石，曼聯反正踢風流波可以放條生路畀布魯士，日前甚至傳曼聯傳奇教頭費格遜於背後發功，要穩奪第四嘅紅魔「讓路」之餘，仲拜託老友艾拿戴斯執教韋斯咸盡砌紐卡素，希望幫到昔日愛徒創造奇迹。不過，老費依家喺曼聯嘅影響力已大不如前，「戰術大師」尹戈爾同布魯士毫無交情唔受呢套，為洗脫「放水」嫌疑實唔放過侯城。
法卡奧告別做齣好戲

至於曼聯「老虎」法卡奧日前喺Twitter留言感謝球迷嘅支持，似係向粉絲告別，雖然佢今季表現麻麻，但為咗下季泊到個好碼頭，面對有前冇後、甩甩漏漏嘅侯城，相信係法卡奧爭取士哥吐烏氣嘅好時機，斯維首選入球大，加上布魯士之前17次領軍倒戈出戰紅魔未贏過，曼聯小讓平半，可兼投上盤及大盤。