錘仔幫揼喜鵲落英冠

猪拉多纳

紐卡素喺英超「煞科日」主場鬥韋斯咸，贏波先可以肯定護級成功。不過，佢哋已經10場不勝，就算今場對手「錘仔幫」無欲無求，近兩場都輸波，但係「喜鵲」頹爆要贏唔容易，今場仲要讓人半一，都係捧1.88倍嘅下盤穩陣啲！

（now633台周日晚上10:00直播）
紐卡素班主失蹤

現時排第17嘅「喜鵲」近10場不勝之餘仲輸足9場，搞到同第18嘅侯城只係相差2分。由於佢哋得失球比侯城差，所以今場連和都唔得，一定要贏。雖然「錘仔幫」無欲無求，而且已經近9場作客都贏唔到，但係以紐卡素現時狀態，想贏波都唔易。最弊係「喜鵲」班主艾殊利，近幾個星期玩失蹤唔為球隊打氣，今場面臨生死存亡都有可能唔撐場，嚴重影響軍心。紐卡素未開波已經輸晒士氣，仲點讓得起韋斯咸半一？