王牌嗌走！山度士平手博唔過

猪拉多纳

羅賓奴投訴被拖糧

糧期唔準，試問班手足又點會同你搏命吖？巴西老牌球會山度士財政唔掂，今季已經多次傳出拖糧，陣中王牌羅賓奴日前向傳媒大吐苦水，仲威脅會喺美洲國家盃之後離隊，士氣咁曳，聽朝造訪查比高恩斯隨時出事，平手盤捧1.84倍嘅主隊。

（開賽時間：周一凌晨3:00）

下個月底就同山度士約滿嘅羅賓奴，公開向傳媒投訴會方仲拖緊佢肖像權費用，呢件老將埋怨：「由歐洲球壇減人工返嚟，仲要畀你拖糧，點搞呀？」羅賓奴仲話，有幾間巴甲甚至歐洲球會都對佢有興趣，唔排除踢埋美洲盃之後就鬆人。連王牌都嗌走，唔影響軍心就假。
查比高恩斯表現對辦

另邊廂嘅主隊查比高恩斯開鑼戰擊敗哥列迪巴，上輪聯賽造訪奪標大熱哥連泰斯亦只係僅輸1粒，表現硬淨，對住近6場作客未贏過嘅山度士，平手盤坐和望贏啦！