廣州1.7倍晉級仲好分

猪拉多纳

城南死守難大炒

廣州恒大淘寶（足智彩譯FC廣州）、FC城南今日會喺亞冠盃16強次回合展開生死決戰，佢哋未埋牙就打咗場海報宣傳戰，廣州用到「不容挑衅」呢種Slogan，場波肯定充滿火藥味，廣州主場想大炒好難，簡單啲要佢哋個1.7倍晉級算數。

（中央5台、廣東體育周三晚8:00直播）

今日東亞區兩場16強大戰入面，驟眼睇都係博主勝好啲，但係大阪飛腳對FC首爾嗰場（now672台周三晚6:00直播），因為飛腳首回合作客贏咗3:1，今日主場小負或打和都掂，博主勝有啲牙煙。廣州恒大對城南就唔同，主隊上星期客戰1:2輸畀城南，今晚一定要贏至得，但係城南都唔係弱雞，近3次作客對住中超球隊贏晒不特止，仲要零失球添，可想而知廣州要開W確實有相當難度。
賽前打海報心理戰

廣州要贏，城南就希望客戰強隊唔輸，壁壘分明，仲响賽前先打心理戰，城南專登用漢字「難攻不落」做咗張海報，仲要放個縮細嘅高拉特呆望城牆；恒大就整咗張「廣州不容挑衅」回敬，未交手已經充滿火藥味。

從班費投入同人腳質素嚟講，廣州拋甩城南將近一條街，不過佢哋今季傷兵太多，金英權、艾傑臣兩件主將都唔多掂，廖力生、李帥直情唔得，李學鵬又停賽，唔係最強陣容出擊，對住決心死守嘅城南，莫講話要炒起人哋，小勝1:0過關都唔係易事，只係贏2:1嘅話，兩回合3:3仲要加時甚至射12碼，呢啲環境都係博廣州1.7倍晉級好啲，一則主W1.45倍太奀，其次係即使真係加時，條飛都仲叫緊胡。
首回合：廣客負1:2