羅比堅尼復出銀河唔赦鹽湖城

猪拉多纳

衞冕美職嘅洛杉磯銀河今季表現一般，早排仲5場不勝，上輪以1:0險勝侯斯頓戴拿模先重返勝軌。佢哋今輪返到主場恭迎皇家鹽湖城，隊長羅比堅尼（圖）已經喺上場復出，今戰應該會打返正選，令銀河鋒力大大改善。今場銀河主W有1.5倍，就撐佢哋可以再贏一場啦！

（開賽時間：周三早上10:30）

銀河今年開季慢熱，依家只可以喺西岸中游爭扎，完全冇咗上年奪得美職季後賽冠軍嘅氣勢，隊長羅比堅尼喺4月受傷，一直缺陣有好大關係。呢位愛爾蘭前國腳上場對戴拿模，下半場以後備身份復出，仲即刻助攻畀拍檔阿倫哥頓，射入奠勝一球，終止5場不勝頹勢。銀河今季有利物浦球星謝拉特加盟，不過英超啱啱先收咧，「神奇隊長」未有咁快出得，所以今場都係要靠羅比堅尼。

鹽湖城今季表現都唔多穩定，同樣受到傷兵問題困擾，中場查維亞摩拉利斯仲抖緊，今場都唔使預佢。鹽湖城唔齊腳，要喺洛杉磯贏返場唔容易，都係捧銀河穩陣啲。